Bar: Izbio požar na Volujici
Foto: Čitaoci Feral.bar
Danas poslijepodne na brdu Volujica izbio je požar nadomak kamenoloma u Zaljevu.
Stub dima vije se satima iznad požarišta koje je nešto prije 20:00 nadletio i vatrogasni avion MUP-a, zasuvši vodom vatrom zahvaćeno rastinje.
Na licu mjesta su barski vatrogasni efektivi.
-Ekipe su na terenu, požar je širih razmjera. Čekamo nalet aviona i pomoć u gašenju iz vazduha-saopštio u kratkoj izjavi za Radio Bar i Bar Info komandir Službe zaštite i spašavanja Aco Vulević, koji se nalazi na požarištu.
Mještani Donjeg Zaljeva-ispod magistrale, koji žive u blizini kamenoloma, za naš portal kazali su da se “jasno čulo pucketanje rastinja koje je zahvatila vatra”.
-Na lice mjesta su odmah došla dva vatrogasna kamiona, vatrogasci su bili spremni, ali, vatra je zahvatila strm, nenastanjen i nepristupačan teren.
Vatra je predveče krenula uvis, u kamenjar-kazali su naši sagovornici.
- Tagovi:
- Služba zaštite
- Vatrogasci
- Požar
- Bar
- Volujica
- Zaljevo
- Avion
.jpg)