Bar: Još jedna Novogodišnja plesna čarolija “Habanere”
Foto: Habanera
Tradicionalno pred Novu godinu, plesni klub Habanera i Barske mažoretke obradovali su Barane Novogodišnjom plesnom čarolijom.
U punoj dvorani Doma kulture više od 150 Habanerinih članova priredilo je pravi plesni spektakl: svojim talentom, plesnim umijećem i raskošnim kostimima oduševili su publiku koja je svaku koreografiju pozdravila velikim aplauzom.
-Nastupili su plesači svih uzrasta, od najmlađih koji imaju pet godina, pa do iskusnijih, ostvarenih plesača, koji su izveli i nove i nagrađivane koreografije u modernom, latinu, hip hopu i mažoret plesu.
Ovo je bila 20. po redu Novogodišnja plesna čarolija kojom smo krunisali godinu velikih uspjeha na državnim i međunarodnim takmičenjima.
Svim članovima, ljubiteljima plesa i svim građanima Bara čestitamo novogodišnje praznike-kazala je Ljilja Nikolić iz “Habanere”.
Pored članova kluba iz Bara, nastupili su i članovi “Habanere” iz Sutomora – OŠ ,Kekec'' i iz Petrovca – OŠ ,Mirko Srzentić'', a program je vodio dječiji animator Šanta Panta.
- Tagovi:
- Bar
- Habanera
- Ljilja Nikolić
- Dom kulture
